Juventusi si duket ka vendosur t’i mbyllë dyert transferimit të Edin Dzekos, ndërsa i ka hapur ato për sulmuesin e Real Madrid, Karim Benzema.

Interesimi i Juventusit për Karim Benzeman lidhet me problemet në jetën e tij private, prandaj ky ekip po shfrytëzon këtë rast për t’iu qasur këtij sulmuesi shumë të kërkuar. Në listën e Juves thuhet se janë edhe Emmanuel Adebayor i Manchester City dhe Giampaolo Pazzini i Sampdorias.

Sami Khedira ka bërë fotot e para me fanellën e Real Madridit, ndërsa ka shprehur kënaqësinë e tij për nisjen e një aventureje të re me spanjollët e cila do t’i sjell fitime të mëdha: “Jam i lumtur si një fëmijë, sepse te Reali i Mourinhos mund të fitoj shumë”.

Prishtinë - Presidenti i Republikës së Kosovës, Fatmir Sejdiu priti përfaqësueset e basketbollit të Emirateve të Bashkuara Arabe, të Republikës së Shqipërisë dhe ekipin përfaqësues të Republikës së Kosovës, të cilat po marrin pjesë në turneun ndërkombëtar të basketbollit që po mbahet në vendin tonë.

Diego Maradona nuk është më trajner i futbollistëve të Argjentinës. Asociacioni i Futbollit i këtij vendi njoftoi se nuk do ta ripërtërijë kontratën me Maradonën, duke e përfunduar kështu periudhën 21 mujore, gjatë së cilës trajner ishte Diego Maradona.