Beograd - Disa dhjetëra persona kanë protestuar sot në qytetin e Meroshinit në Serbi pasi kanë marrë vesh se 50 shqiptarëve të Kosovës u janë dhënë dokumenta si banorë të kësaj komune. Pas marrjes së pasaportave serbe, siç raporton agjencia e lajmeve BETA, të njëjtit janë bërë pjesë edhe e listës së votuesve në këtë komunë.
Bruksel - Kryediplomatja e Bashkimit Evropian, Ketrin Eshton, do të takohet të martën në Bruksel me presidentin e Serbisë, Boris Tadiq, njoftoi zëdhënësja e saj.
Shkup – Policia maqedonase ka njoftuar se është kapur autori i vrasjes së trefishtë, në Shkup. Sipas policisë, ai është arrestuar në autostradën Shkup - Veles, pak kohë pas kryerjes së vrasjes. Identiteti i të arrestuarit nuk është publikuar.
Tiranë - Ministria e mbrojtjes e Shqipërisë ka njoftuar se Shtetet e Bashkuara i kanë dhënë asaj tri anije për patrullim bregdetar, për ndihmë në luftën kundër terrorizmit, krimit të organizuar dhe trafikimit ilegal.
Shkup - Maqedonia nuk e mbështet propozim-rezolutën serbe për Kosovën të paraqitur në Kombet e Bashkuara, por qëndrimin përfundimtar nëse do të votojë kundër apo e përmbajtur, do ta thotë së bashku me Malin e Zi, me të cilin edhe kishin sjellë vendimin për njohjen e pavarësisë së Kosovën, tha Ministri i Punëve të Jashtme, Antonio Milloshoski.
A do të kaloj rezoluta serbe në OKB?
(43 votes)
