Nju Jork - Në kuadër të takimeve dhe bisedave që për qëllim kanë bashkërendimin e ngushtë të veprimeve me shtete partnere pas mendimit këshillëdhënës të Gjykatës Ndërkombëtare të Drejtësisë, Ministri i Punëve të Jashtme, Skender Hyseni, ka pasur një takim të veçantë me Përfaqësuesin e Përhershëm të Republikës Federale të Gjermanisë në OKB, Peter Wittig, me të cilin është konsultuar për hapat që duhen ndërmarr pas paraqitjes së projektrezolutës serbe në Asamblenë e Përgjithshme të OKB-së.
Ministri Hyseni dhe Ambasadori Wittig kanë biseduar në lidhje me kontekstin e ri që është krijuar pas mendimit të Gjykatës Botërore, si dhe në lidhje me detajet e hapave dhe veprimeve të ardhshme që do të ndërmerren, përfshirë në lidhje me projektrezolutën e prezantuar. Në takim, Ministri ka vënë theksin te nevoja dhe rëndësia e bashkërendimit të ngushtë të veprimeve të të dyja vendeve, thuhen në njoftimin e MPJ-së.
0 Koment-e 
